Максiм Багдановiч
Я хацеў бы спаткацца з Вамі на вуліцы
У ціхую сінюю ноч
I сказаць:
«Бачыце гэтыя буйныя зоркі,
Ясныя зоркі Геркулеса?
Да іх ляціць наша сонца,
I нясецца за сонцам зямля.
Хто мы такія?
Толькі падарожныя, — папутнікі сярод нябёс.
Нашто ж на зямлі
Сваркі i звадкі, боль i горыч,
Калі ўсе мы разам ляцім
Да зор?»
Пятрусь Броўка
Дзень мне векам здаваўся,
Покуль стрэнемся мы.
Помніш, як я хваляваўся?
Быў я заўсёды нямы.
Лёгка — у песнях пяецца.
Мне ж — дык адвагі не ўзяць.
Горы звярнуў бы, здаецца,
Чым тыя словы сказаць.
Дзень той даўно быў. Вясновы.
Доўга чакаю. Зіма.
З Марса вяртаюцца словы,
Што ж ад цябе іх няма?
Янка Купала
Не хачу я жонкі
Не з сваёй старонкі,
Як я – багацейшай,
І як я – мудрэйшай.
Я вазьму такую,
К якой любасць чую,
Што мяне палюбіць,
Як сябе самую.
Будзем з ёю жыці
I долю хваліці,
Весці лад у хаце,
Дзетак гадаваці.
I так жыць па праве
Ў добрай будзем славе,
Покуль хаўтуроў нам
Злая смерць не справе.
Читать полностью: http://moykahany.ru/maya-zhonka
Комментариев нет:
Отправить комментарий